Kindergebete

Zu singen:

Liebe Gott, chum i mis Ohr, ich will dir öpis säge: Wänn d’Sunne z’abig untergaht, sitzt d’Amsle uf em Ascht parat, singt dir es Lied zur Fröid.

Liebe Gott chum i mis Aug ich will dir öpis zeige: Wänn s’Sunneliecht de Morge weckt, es Blüemli sini Blettli streckt, treit’s dir es Chleid zur Fröid.

Liebe Gott chum i mis Herz, ich will dich öpis bitte: Bis du – eso wie au bi mir – bi allne liebe Mänsche, das niemer Hunger und Chalt mues ha, ich will alli Tag zu ihne stah, und läbe dir zur Fröid.

Abendgebet:

Liebe Gott, mir händ dich gern
Du lüüchtisch wie de Aabigstern
Du bisch de wärmschti Sunnestrahl
bisch unsichtbar überall
Mir danked, dass Du eus behüetisch
dass Du all Tag zu eus so guet bisch
und dass du eus en Ängel schicksch
und jede Tag neu’s Läbe gisch.
Amen

 

 

Sprüchlein für Kinder

Es Schneeflöckli

Am schneewiisse Häsli
es Flöckli ufs Näsli
Am schneewiisse Tübli
us Flocke es Hübli
Am schneewiisse Müüsli
es Schneedach ufs Hüüsli
De schneewiissi Wolf
kriegt en Schneeball, dä Strolch